इटहरी : पाँच घण्टा बित्न लाग्दासमेत इटहरीमा लागेको आगो नियन्त्रणमा आएको छैन ।
इटहरीको मुख्य चौकमै आज बिहान करिब साढे ९ बजेतिरदेखि लागेको आगलागी हालसम्म नियन्त्रणमा आउन सकेको छैन ।
जिल्ला प्रहरी कार्यालय सुनसरीका प्रमुख, प्रहरी उपरीक्षक (एसपी) सुमन तिम्सिनाका अनुसार हालसम्म ११ जनाको उद्दार गरिएको छ ।
‘यसअघि १६ जनाको उद्दार गरिएको भनिएपनि विवरण अद्यावधिक गर्दा ११ जनाको उद्दार गरिएको हो,’ एसपी तिम्सिनाले भने, ‘हेलिकोप्टरसहित विपद् सुरक्षा समितिले ११ जनाको उद्दार गरेको छ ।’
उनका अनुसार तीन जना महिला र ८ जना पुरुषको उद्दार गरिएको हो । सेनाको हेलिकोप्टरमार्फत उद्दार गरिएमध्ये एक महिला घाइते भएकी थिइन् । आगलागीको धुँवामा निस्सासिएर बेहोस भएकी ती महिलाको सामान्य उपचारपछि घर फर्किएको एसपी तिम्सिनाले बताए ।
आगलागी नियन्त्रणका लागि झण्डै साढे तीन सय सुरक्षाकर्मी परिचालन भएका छन् ।
इटहरीका व्यावसायी राजेश श्रेष्ठको उक्त प्लाजामा होटल बरन्डासहित एउटा सिनेमा हल सञ्चालनमा थियो । यसैगरी लक्ष्मी सनराइज बैँक, ठूला इलेक्ट्रोनिक्स पसल, मोबाइल पसललगायत सञ्चालनमा रहेका छन् ।
यो पनि – इटहरीको आगलागी अझै नियन्त्रणमा आएन
यो पनि – इटहरीको सेन्टर प्लाजाको आगलागीमा फसेकाहरूको सेनाको हेलिकोप्टरमार्फत उद्दार
Discussion about this post