विराटनगर : विराटनगरमा पेट्रोल खन्याएर आगो लगाई २१ वर्षीया युवतीको हत्या गर्ने अभियोगमा फरार रहेका ५५ वर्षीय एसराज लामा ६ वर्षपछि पक्राउ परेका छन्।
इलाका प्रहरी कार्यालय रानीबाट खटिएको प्रहरी टोलीले विशेष सूचनाका आधारमा जेठ २४ गते लामालाई गाउँघरमै लुकिछिपी बसेको अवस्थामा नियन्त्रणमा लिएको हो।
२०७६ साल वैशाख ८ गते झापा, अर्जुनधारा नगरपालिका–११ घर भई विराटनगर–१६ मा बस्दै आएकी ईशा योगी शेर्पाको शरीरमा पेट्रोल खन्याई आगो लगाएर हत्या गरिएको आरोप लामामाथि लागेको छ।
घटनापछि फरार रहेका लामा लामो समयदेखि प्रहरी निगरानीबाट टाढा रहेका थिए। गम्भीर रूपमा घाइते शेर्पाको कीर्तिपुर अस्पतालमा उपचारका क्रममा मृत्यु भएको थियो।
पक्राउ परेका लामालाई अदालतमा पेश गरिने तयारी भइरहेको प्रहरीले जनाएको छ।
Discussion about this post