इटहरी : इटहरी वडा नं. १ स्थित राष्ट्रिय माध्यमिक विद्यालयमा ‘फुड फेयर एण्ड प्रोजेक्ट वर्क प्रदर्शनी’ आयोजना गरिएको छ। प्रदर्शनीमा सहभागी विद्यार्थीहरूले परम्परागत संस्कृति, शिक्षा र उद्यमशीलतालाई जोड्ने प्रयास गरेका छन्।
विद्यालयमा आयोजित प्रदर्शनीमा कक्षा ५ देखि डिप्लोमासम्मका विद्यार्थीहरूले स्टल राखेका थिए। १२ का विज्ञान, व्यवस्थापन, शिक्षा, होटल म्यानेजमेन्ट तथा तीन वर्षे डिप्लोमा इन सिभिल इन्जिनियरिङका विद्यार्थीहरूले विभिन्न स्टलमार्फत आफूले कक्षामा सिकेको ज्ञान व्यवहारिक रूपमा प्रस्तुत गरे।
साथै, कक्षा १० मा अध्ययनरत ‘शिक्षाको संसारबाट कामको संसार’ परियोजनामा छनोट भएका तीन समूहले समेत आफ्ना प्रस्तुति दिएका थिए।
प्रदर्शनीमा मौलिक नेपाली परिकारहरूमध्ये दही चिउरा, सेलरोटी, आलु दमजस्ता खानाका परिकार पनि समावेश थिए।
ती परिकार विद्यार्थीहरूले आफैँ तयार गरेका थिए। कक्षा १२ मा अध्ययनरत अस्मी राईले भनिन्, ‘अधिकांश नेपाली मौलिक खाना लोप हुँदै गएको अवस्थामा त्यसलाई पुनः प्रयोग र प्रचार गर्नु आजको आवश्यकता हो।’
फुड फेयरको एउटा स्टलमा दही चिउरा लिएर उभिएकी कक्षा १२ मा अध्ययनरत विनिसा खनालले अभिभावक तथा तल्लो कक्षाका विद्यार्थीलाई परम्परागत भोजनको महत्व सुनाइन्।
प्रदर्शनीमा परम्परागत खानाका परिकार पनि राखिएको थियो । ती खानेकुमार विद्यार्थी आफैले बनाएका हुन् ।
‘खानेकुरा वास्तवमा हाम्रो जीवन पद्धति सुहाउँदो हुनुपर्छ,’ कक्षा १२ मा अध्ययनरत सेलरोटी बनाउँदै गरेको अवस्थामा भेटिएकी अस्मी राईले भनिन, ‘अधिकांश नेपाली मौलिक खाना लोप हुँदै गएको अवस्थामा त्यसलाई पुनः प्रयोगमा ल्याउनु र प्रचारप्रसार गराउनु आजको आवश्यता छ ।’
विद्यालयका प्रधानाध्यापक सरनकुमार बस्नेतका अनुसार प्रदर्शनीको उद्देश्य विद्यार्थीमा व्यवहारिक सीप विकास गर्नु हो। ‘कक्षामा सैद्धान्तिक ज्ञान लिने विद्यार्थीलाई त्यसलाई व्यवहारमा प्रयोग गर्न सिकाउनु अहिलेको शिक्षा प्रणालीको मूल मर्म हो,’ उनले भने।
विद्यालय व्यवस्थापन समितिका अध्यक्ष कोविदजंग कार्कीले यस प्रदर्शनीलाई आगामी वर्षहरूमा निरन्तरता दिने योजना रहेको बताए।
उनका अनुसार विद्यार्थीलाई समयमै सूचना दिएर आफैँ योजनाबद्ध रूपमा काम गर्न लगाइनुले उनीहरूमा आत्मनिर्भरता र नेतृत्व क्षमताको विकासमा समेत मद्दत पुग्छ।
‘ज्ञान भनेको किताबमा मात्रै सीमित हुनुहुँदैन भन्न बोध भएका कारण यस्ता कार्यक्रम आयोजना गरिएको हो,’ कार्कीले भने, ‘विद्यार्थीका प्रतिभा प्रष्फुटन गर्नका निम्तिसमेत यो कार्यक्रम आयोजना गरिएको हो । विद्यार्थी किताबी ज्ञानबाहेक अन्य विधामासमेत दक्ष छन् भन्नका निम्ति यो कार्यक्रमले सन्देश दिन्छ ।’
प्रदर्शनीमा जम्मा १५ वटा स्टल राखिएका थिए। तीमध्ये तीन वटा स्टल इन्स्योररहेल्भेटास परियोजनाको ‘शिक्षाको संसारमा स्थानान्तरणका लागि उद्यमशीलता सीप विकास कार्यक्रम’ अन्तर्गत छनोट भएका विद्यार्थीको प्रस्तुति थियो।
शैक्षिक प्रदर्शनी अवलोकन गर्न विद्यार्थी, अभिभावक, स्थानीय बासिन्दा तथा आसपासका शैक्षिक संस्थाका विद्यार्थीको उल्लेख्य उपस्थिति रहेको थियो।
परम्परा, सीप र शिक्षाबीचको समन्वयमार्फत विद्यार्थीलाई जीवनोपयोगी शिक्षातर्फ उन्मुख गराउने प्रयास विद्यालयको यो प्रयासले देखाएको छ।
प्रदर्शनी अवलोकनका लागि राष्ट्रिय माध्यमिक विद्यालयमा अध्ययनरत विद्यार्थी, अभिभावक, स्थानीय सरोकारवालासहित आसपासका शैक्षिक संस्थाका विद्यार्थी एवम् अभिभावकहरू सहभागी भएका थिए ।
उक्त विद्यालयमा एक हजार पाँच सय ९४ जना विद्यार्थी अध्ययनरत रहेका छन् ।
Discussion about this post