विराटनगर : विराटनगरस्थित भाटभटेनी सुपरमार्केटको भवनमा जलेको अवस्थामा एक शव फेला परेको छ।
सरसफाइ गर्ने क्रममा दोस्रो तल्लामा पूर्ण रूपमा जलेको अवस्थामा शव भेटिएको मोरङ प्रहरीले जनाएको छ।
जेन–जी आन्दोलनका क्रममा भाटभटेनी सुपरमार्केटमा आगजनी र तोडफोड भएको थियो। सोही क्रममा लुटपाटका लागि प्रवेश गरेका मध्ये मृत्यु भएको हुन सक्ने अनुमान प्रहरीले गरेको छ।
मोरङ प्रहरी प्रवक्ता डीएसपी कोपिला चुडालका अनुसार घटनास्थलमा प्रहरी टोली पुगेर मुचुल्का तयार गरेको छ।
उनले भनिन्, “शव पूर्ण रूपमा जलेको अवस्थामा छ, पहिचान गर्न कठिन छ। शवलाई पोस्टमार्टमका लागि कोशी अस्पताल पठाइएको छ।” घटनाबारे थप अनुसन्धान भइरहेको प्रहरीले छ।
जेन–जी आन्दोलन र प्रदर्शनका क्रममा देशभरका भाटभटेनी स्टोरमा आगजनी भएका थिए। सो क्रममा धरानमा मात्रै ४ जनाको मृत्यु भएको थियो।
Discussion about this post