मेची भन्सार कार्यालयले सुरु गर्‍यो आयात र निर्यात

झापा : पूर्वी नाकास्थित मेची भन्सार कार्यालयले सोमवारदेखि आयात र निर्यात सुरु गरेको छ ।

जेन-जी प्रदर्शनकारीले भन्सार कार्यालयमा गत भदौ २४ गते तोडफोड र आगजनी गरेपछि आयात निर्यातको काम ठप्प भएको थियो ।

कार्यालयका सूचना अधिकारी ईश्वरकुमार हुमागाईंले नयाँ कम्प्युटर, ल्यापटप र आवश्यक अन्य सरसामान खरिद गरेर आजदेखि सेवा सुरु गरिएको बताए ।

‘भौतिक संरचना र सामानहरू जलेर बाँकी केही छैनन्,’ उनले भने ‘कम्प्युटर, ल्यापटप, फर्निचर नयाँ खरिद गरेका छौँ र केही दाताहरूको सहयोग प्राप्त भएको छ । आयात–निर्यातको काम आजदेखि सुरु गरेका छौँ ।’

यसैगरी भद्रपुर भन्सार कार्यालयले आइतबारदेखि नै सेवा सञ्चालन गरेको जनाएको छ ।