आउने असोज १ गतेदेखि यातायात व्यवसायीहरुले सबै सार्वजनिक सवारी साधन सञ्चालनमा ल्याउने तयारी थालेका छन् । सरकारले कोरोना नियन्त्रणका नाममा सार्वजनिक यातायात संचालनलाई निषेध गरेका बेला व्यवसायीले अब सन्चालनमा ल्याउने घोषणा गरेका हुन्।
बुधबार यातायात व्यवसायी, यातायात व्यवस्था विभाग र तीन वटा मजदुर संगठनको संयूक्त बैठकमा व्यवसायी र मजदुर संगठनले यातायात खुलाउन सहजीकरण नगरे विश्वकर्मा पूजाको दिन पारेर असोज १ देखि लामो तथा छोटो दूरीका यातायात चलाउने घोषणा गरेका गरेका छन्
नेपाल यातायात स्वतन्त्र मजदुर संगठनका अध्यक्ष भिमज्वाला राईले सरकारले सार्वजनिक सवारी संचालनका लागि विकल्प खोज्नुपर्ने बताएका छन् ।
सरकारले यातायात संचालनका लागि कुनै सहजीकरण नगरे विकल्प नखोजे आफूहरुले यातायात चलाउने जानकारी विभागलाई गराइएको उनले बताएका छन् । ‘यतिञ्जेल हामीले जसोतसो धान्यौं, अब सिटामोल खान सक्ने अवस्था पनि छैन’ उनले भने।
यातायात व्यवस्था विभागका महानिर्देशक गोगनबहादुर हमालले यो निर्णय आफूहरुले गरेर नहुने मन्त्रिपरिषदबाटै निर्णय हुनुपर्ने बताएका छन्। कोरोना संक्रमण कम भएका ठाउँमा यातायात चलाउन सकिने सुझाव आफूहरुले दिएको उनले बताए।
यातायात सञ्चालन गर्दा सुरक्षाका सम्पूर्ण मापदण्ड पुरा गरेर सन्चानल गर्ने यातायात व्यसायीले बताएका छन्।
‘कोरोनाविरुद्ध सम्पूर्ण सुरक्षाका उपाय अपनाएर हामीले सार्वजनिक सवारीसाधन संचालन गर्नेछौं’ नेपाल यातायात व्यवसायी राष्ट्रिय महासंघका अध्यक्ष योगेन्द्र कर्माचार्यले भने।
गत चैत ११ गते लकडाउन भएपछि लामो र छोटो दूरीकासवारीसाधन चल्न सकेका छैनन् । साढे ५ महिनासम्म बितिसक्दम पनि लामो दूरीका सवारीसाधन चल्न नसक्दा आफूहरु डिप्रेसन सम्मको स्थितिमा पुगेको व्यवसायीले बताएका छन्।
यसबीचमा केहि समय सुरक्षाका मापदण्ड तोकेर भए पनि छोटो दूरीका सवारीसाधन सञ्चालनमा आएका थिए।















Discussion about this post