इटहरी : मोरङको सुन्दरहरैँचा नगरपालिका–१२ मा हात्तीको आक्रमणबाट एक जनाको मृत्यु भएको छ।
मृत्यु हुनेमा स्थानीय भवकृष्ण घिमिरे रहेका छन्।
प्रहरीका अनुसार शनिबार बिहान घिमिरेलाई हात्तीले आक्रमण गरेको हो। आक्रमणपछि उनको घटनास्थलमै मृत्यु भएको जनाइएको छ।
घटनापछि एक दर्जनभन्दा बढीको संख्यामा रहेको हात्तीको बथान खोर्साने क्षेत्र हुँदै जंगलतर्फ फर्किएको प्रहरीले जनाएको छ। घटनाबारे थप अनुसन्धान भइरहेको छ।
स्थानीयका अनुसार पछिल्लो समय सो क्षेत्रमा हात्तीको बथान आउने क्रम बढ्दो रहेको छ।
स्थानीयवासीले मानव–वन्यजन्तु द्वन्द्वको दीर्घकालीन समाधानको माग गरेका छन्।
Discussion about this post