इटहरी : सवारी दुर्घटना न्यूनीकरण तथा सडक सुरक्षा सुदृढ गर्ने उद्देश्यले नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीले सिटी सफारी चालकहरूलाई लक्षित गरी ट्राफिक सचेतना कार्यक्रम सञ्चालन गरेको छ।
कार्यक्रममा सिटी सफारी चालकहरूलाई ट्राफिक नियमको पालना, सुरक्षित सवारी सञ्चालन, यात्रु सुरक्षा, तीव्र गति तथा ओभरलोडका कारण उत्पन्न हुने जोखिमका विषयमा जानकारी गराइएको थियो।
प्रशिक्षण कार्यक्रममा प्रहरी निरीक्षक राजु निरौलाले सवारी दुर्घटनाका प्रमुख कारण, त्यसबाट बच्ने उपाय तथा चालकको जिम्मेवारीबारे स्पष्ट पार्दै व्यवहारिक प्रशिक्षण दिएका थिए।
सचेतना कार्यक्रमहरूले चालकको आचरणमा सुधार ल्याउनुका साथै सडक दुर्घटना न्यूनीकरणमा महत्वपूर्ण भूमिका खेल्ने विश्वास लिइएको प्रहरीले जनाएको छ।
Discussion about this post