खोटाङमा सडक मर्मतको क्रममा दुर्घटना हुँदा वृद्धको मृत्यु

खोटाङ : खोटाङको हलेसी–तुवाचुङ नगरपालिका–३, च्यास्मिटार दाल्फुमा सडक मर्मतका क्रममा दुर्घटना हुँदा स्थानीय ७१ वर्षीय बलबहादुर राईको ज्यान लिएको छ।

बिहीबार जेसीबी सञ्चालनको क्रममा ढुंगा सडकमा झर्दा उनी ठोक्किएर घाइते भएका थिए। उनको घटनास्थलमै मृत्यु भएको हो।

जिल्ला प्रहरी कार्यालय खोटाङका सूचना अधिकारी प्रहरी निरीक्षक सुशान्त मिश्रका अनुसार दुर्घटनामा संलग्न जेसीबी र चालक २६ वर्षीय केवल मगरलाई नियन्त्रणमा लिइएको छ।

प्रहरीका अनुसार शव पोस्टमार्टमका लागि धरानस्थित बीपी प्रतिष्ठान ल्याइएको छ।