धरान : धरान उपमहानगरपालिका–१३ स्थितबाट प्रहरीले एम्बुलेन्सबाट ठूलो परिमाणमा गाँजा बरामद गरेको छ।
मंगलबार राति करिब १२ः४० बजे इलाका प्रहरी कार्यालय धरानबाट खटिएको प्रहरी टोलीले सडक छेउमा रोकिराखिएको को १ च ७३५९ नम्बरको एम्बुलेन्स चेकजाँच गर्ने क्रममा लागूऔषध गाँजा ४४० किलो फेला पारेको हो।
बरामद गरिएको एम्बुलेन्स धरान–१८ स्थित बुढासुब्बा डाइग्नोष्टिक सेन्टर प्रालिद्वारा सञ्चालित रहेको प्रहरीले जनाएको छ।
प्रहरीले गाँजासहित एम्बुलेन्स नियन्त्रणमा लिई इलाका प्रहरी कार्यालय धरानमा राखेर थप अनुसन्धान अघि बढाएको जनाएको छ।
Discussion about this post