इटहरी : नेपाल पत्रकार महासङ्घ सुनसरीले आफ्नो १४औँ साधारणसभाको अवसर पारेर चार जना पत्रकारलाई पुरस्कृत गरेको छ ।
बुधबार इटहरीमा भएको साधारणसभामा चन्द्रबहादुर–लक्ष्मीदेवी पाण्डे स्मृति पत्रकारिता पुरस्कारबाट शशी कोइरालालाई प्रदान गरिएको छ ।
११ हजार एक सय ११ रुपैयाँ नगद राशिसहितको उक्त पुरस्कार पत्रकार दम्पती शालिग्राम पाण्डे र मेनुका बस्नेतद्वारा आफ्ना आमा–बुबाको स्मृतिमा स्थापित गरिएको हो ।
यसैगरी, प्रेस स्वतन्त्रता सेनानी याम प्रधान स्मृति पत्रकारिता पुरस्कार विवेक भट्टराईलाई प्रदान गरिएको छ । पत्रकार महासङ्घ सुनसरी शाखाद्वारा स्थापित उक्त पुरस्कारको राशि १५ हजार रुपैयाँ रहेको छ ।
डम्मरबहादुर थापा स्मृति पत्रकारिता पुरस्कार रश्मी प्रधानलाई प्रदान गरिएको छ। उक्त पुरस्कारको राशी १५ हजार रहेको छ।
रेवन्त सुवेदी स्मृति पत्रकारिता पुरस्कार सुनील चौधरीलाई प्रदान गरिएको छ । सो पुरस्कारको राशी ११ हजार एक सय ११ रुपैयाँ रहेको छ।
सन्तोष काफ्लेको अध्यक्षतामा भएको कार्यक्रममा नेपाल पत्रकार महासङ्घकी केन्द्रीय अध्यक्ष निर्मला शर्मा प्रमुख अतिथि थिइन्।
बन्द सत्रमा भने सचिव विनय बाह्रकोटीले प्रस्तुत गरेको सांगठनिक प्रतिवेदन र कोषाध्यक्ष विवेक रेग्मीले प्रस्तुत गरेको आर्थिक प्रतिवेदनमाथि छलफल गरी पारित गरिएको थियो।
Discussion about this post