इटहरी : कोशी प्रदेश सरकारले नीति तथा कार्यक्रम प्रस्तुत गरेको छ ।
बिहीबार विराटनगरस्थित वीरेन्द्र सभागृहमा बसेको प्रदेशसभा बैठकमा प्रदेश प्रमुख परशुराम खापुङले कोशी प्रदेश सरकारको १२८ बुँदे नीति तथा कार्यक्रम प्रस्तुत गरे ।
त्यसअघि कोशी प्रदेशका मुख्यमन्त्री हिक्मतकुमार कार्कीले प्रदेश प्रमुख खापुङलाई नीति तथा कार्यक्रम सम्बोधनका लागि हस्तान्तरण गरेका थिए ।
स्वच्छ, सुखी र समुन्नत प्रदेश भन्ने नारासहित कोशी प्रदेश सरकारले ल्याएको नीति तथा कार्यक्रममा सेवाप्रवाहलाई चुस्त, जिम्मेवार र जवाफदेही बनाउनेदेखि प्रदेशप्रतिको आस्था र विश्वास बढाउन काम र व्यवहार परिवर्तन गर्ने नीति राखिएको छ ।
शिक्षा, स्वास्थ्य, कृषि, भौतिक पूर्वाधार र सूचना प्रविधिलाई उच्च प्राथमिकतामा राख्दै नीति तथा कार्यक्रम प्रस्तुत गरिएको जनाइएको छ ।
नीति तथा कार्यक्रममा २०८३ साउन देखि २०८५ असारसम्मलाई कोशी प्रदेश भ्रमण वर्ष मनाइने, धार्मिक परिपथको सम्भाव्यता अध्ययन जस्ता नयाँ कार्यक्रम पनि समेटिएको छ।
Discussion about this post