मोरङ : मोरङको लेटाङ नगरपालिकामा लामो समयदेखि प्रयोगविहीन रहेको एक घरको छतबाट दुई थान पुराना कटुवा पेस्तोल बरामद भएका छन्।
प्रहरीका अनुसार लेटाङ नगरपालिका–४ स्थित पुरानो बसपार्क क्षेत्रमा रहेको लामो समयदेखि कोही नबस्ने एकतले पक्की घरको छतमा बालबालिका खेलिरहेका बेला दुई थान पुराना तथा खिया लागेका कटुवा पेस्तोल फेला परेका हुन्।
घटनाको सूचना पाएपछि इलाका प्रहरी कार्यालय लेटाङबाट खटिएको प्रहरी टोलीले घटनास्थल पुगेर आवश्यक कानुनी प्रक्रिया पूरा गर्दै दुवै पेस्तोल बरामद गरेको छ।
बरामद गरिएका हतियार सुरक्षित रूपमा प्रहरी कार्यालयमा राखिएको छ। ती हतियार कसले, कहिले र किन त्यहाँ राखेको भन्ने विषयमा प्रहरीले अनुसन्धान अघि बढाएको जनाएको छ।
Discussion about this post