इटहरी : सुनसरी जिल्ला प्रशासन कार्यालयले जिल्लाका केही संवेदनशील क्षेत्रमा सोमबार रातिको समयमा कर्फ्यू जारी गरेको छ।
प्रमुख जिल्ला अधिकारी बासुदेव घिमिरेबाट जारी आदेशअनुसार सोमबार (आज) राति ९ बजेदेखि बिहान ५ बजेसम्म लागू हुने गरी स्थानीय प्रशासन ऐन, २०२८ को दफा ६ को उपदफा ३(क) बमोजिम कर्फ्यू जारी गरिएको हो।
इनरुवा ३ र ६ को सीमा (महेन्द्र राजमार्ग अन्तर्गतको घोपाली टोल), पश्चिममा कोशी व्यारेजको पुल, उत्तर र दक्षिणमा महेन्द्र राजमार्गदेखि दुई सय मिटर क्षेत्रसम्म कर्फ्यू लगाइएको हो।
खासगरी यस समयमा आवतजावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न नपाउने गरी अनिश्चितकालिन कर्फ्यू आदेश जारी गरिएको सूचनामा उल्लेख छ।
शासनले आदेश उल्लङ्घन गर्ने व्यक्तिलाई स्थानीय प्रशासन ऐनअनुसार कारबाही गरिने चेतावनी दिँदै सर्वसाधारणलाई निषेधाज्ञाको पूर्ण पालना गर्न आग्रह गरेको छ।
Discussion about this post