इटहरीमा थप एक संक्रमितको मृत्यु, मृतकको संख्या ५ पुग्यो

इटहरीमा आज थप एकजना कोरोना संक्रमितको मृत्यु भएको छ । इटहरी ७ का ६८ बर्षीय पुरुषको कोरोना संक्रमणबाट मृत्यु भएको इटहरी अस्पतालले जनाएको छ ।

डाईलाईसिस गरिरहेका उनलाई कोरोना पुष्टि भएको थियो ।

इटहरी ७ का वडाध्यक्ष नर बहादुर राईले उनको स्वास्थ्य अवस्थाबारे इटहरी अस्पतालमा जानकारी गराएपछि हिजो उपचारको लागि लगिएपनि उनको मृत्यु भएको अस्पतालले जनाएको छ ।

यो सँगै इटहरीमा कोरोना लागेर मृत्यु हुनेको संख्या ५ पुगेको छ ।