इटहरीमा थप दुईजना संक्रमितको मृत्यु

इटहरीमा थप दुईजना कोरोना संक्रमितको मृत्यु भएको छ ।
इटहरी अस्पतालका इन्चार्ज रामकुमार धमलाका अनुसार इटहरी ५ का ८९ बर्षीय र इटहरी ६ का ६८ बर्षीय पुरुषको मृत्युु भएको हो ।
उनका अनुसार उनीहरूको वीपी प्रतिष्ठानको कोभिड हस्पिटलमा मृत्यु भएको हो । केही दिन अगाडि कोरोना देखिएपछि उपचाररत रहेपनि आज बिहान मृत्यु भएको अस्पतालले जनाएको छ ।
दीर्घ रोगी र जेष्ठ नागरिकलाई कोरोनाले असर गर्दै गएको र सजक रहन उनले अपिल गरेका छन् ।