इटहरी : अहिले देशैभरी कोरोना भाइरसको ग्राफ निरन्तर उकालो छ । यसैक्रममा इटहरीमा पनि दैनिक कोरोना संक्रमितको संख्या उच्च हुँदै गएको छ ।
इटहरी उपमहानगरपालिकाका प्रेस संयोजक लिलाराज भट्टराईका अनुसार सोमबार साँझ इटहरीमा थप ९८ जनामा कोरोना संक्रमण पुष्टि भएको छ । इटहरीमा यो संख्या अहिलेसम्मकै उच्च हो ।
‘दिनानुदिन कोरोना संक्रमितको संख्या बढ्दै गएकाले अवस्था जटिल बन्दैछ,’ भट्टराईले टाकुरासँग भने, ‘अब आफैँ सचेत हुने बेला आएको छ ।’
उनका अनुसार सोमबार साँझ थपिएका ९८ जना संक्रमितको २२ र २३ गते स्वाब संकलन गरिएको थियो ।
जम्मा १ सय ५५ जनाको स्वाब संकलन गरिदाँ ९८ जनामा पोजेटिभ रिपोर्ट आएको हो । उनका अनुसार अझै २५ जनाभन्दा बढीको रिपोर्ट आउँन बाँकी रहेको छ ।
स्वास्थ्यका मापदण्ड पालना गर्न आवश्यक रहेको उनको भनाई छ ।
इटहरीमा अहिले पनि न्यूनतम स्वास्थ्य मापदण्ड नै प्रयोग नगरी बजारमा भीडभाड बढ्न थालेको बताउँर्द पछिल्लो समय जाँच गराउने धेरैजसोमा संक्रमण देखिएको र अवस्था जटिल बन्दै गएकाले सचेत रहन उनको अपिल छ ।
यो पनि – इटहरीमा आज एकैदिन ९८ जनामा कोरोना संक्रमण पुष्टि, संक्रमितको संख्या ८७९
Discussion about this post