सुनसरीको बराहक्षेत्र नगरपालिका–१, रानीखोलामा मोटरसाइकल दुर्घटना हुँदा एक जनाको मृत्यु भएको छ ।
प्रहरीका अनुसार हिजो राती मोटरसाईकल अनियन्त्रित भएर दुर्घटना हुँदा मोटरसाईकलको पछाडि बसेका कानेपोखरी गाउँपालिका–१ का २६ वर्षीय सनम याख्खाका मृत्यु भएको हो ।
चतरा बजारबाट बराहक्षेत्र तर्फ जाँदै गरेको प्रदेश १ ०२–०४१ प ४९७१ नम्बरको मोटरसाईकल आफै अनियन्त्रीत भई दुर्घटना भएको प्रहरीले जनाएको छ ।
प्रहरीका अनुसार मोटरसाइकल अनियन्त्रित भई सडकबाट करिब १०० मिटर तल खस्दा घाईते भएका याख्खाको विराट नर्सिङ होममा उपचारका क्रममा मृत्यु भएको हो ।
मोटरसाइकल चालक मोरङको कानेपोखरी गाउँपालिका १ का २५ बर्षीय प्रदिप राईको भने अनुहारमा चोट लागेको छ । ।
यस घटनाबारे थप अनुसन्धान भइरहेको प्रहरीले जनाएको छ ।
Discussion about this post