तरहरा : तरहरामा रहेको बहुभाषी युनिटि ग्रुपले आफ्नो गाउँ, आफैँ बनाउँ भन्ने उदेश्यले यहाँ सरसफाई अभियान सञ्चालन गरेको छ ।
ग्रुपका अध्यक्ष योगेश लिम्बूका अनुसार तीन सातायता तरहराका विभिन्न क्षेत्रमा सरसफाई अभियान सञ्चालन गरिएको हो ।
शनिबारको दिन तरहराका विभिन्न क्षेत्रमा सरसफाई अभियान सञ्चालन गरिएको लिम्बूले बताए । आज इटहरी १९ र २० मा पर्ने खोला सरसफाई गरिएको उनले बताए ।
खोलाको फोहरले दुर्गन्ध बढेकले आफूहरुले सफाई अभियान सञ्चालन गरिएको उनको भनाइ थियो ।
सोही खोलाको पानी बग्दै गएर तरहराको कराइबन पुग्ने र त्यहाँका समुदायले उक्त पानी कपडा धुन तथा नुहाउन प्रयोग गर्ने भएकाले समस्या उत्पन्न हुने भएकाले खोला सरसफाई गरिएको क्लबका उपाध्यक्ष सुरज लिम्बूले बताए ।
उनका अनुसार उक्त क्लबले आगामी दिनमा पनि सफाई अभियान सञ्चालन गर्नेछ ।
Discussion about this post