इटहरी : जिल्ला प्रहरी कार्यालय सुनसरीले जंगली बदेंलको मासुसहित दुईजनालाई पक्राउ गरेको छ ।
जिल्ला प्रहरी कार्यालय सुनसरीका अनुसार आज (बिहीबार) इनरुवा नगरपालिका ४ बसपार्क नजिकबाट मोटरसाइकलमा सवार दुईजनालाई जंगली बदेंलको मासुसहित पक्राउ गरेको हो ।
प्रहरीका अनुसार पश्चिमबाट पूर्वतर्फ आइरहेको स. १ प ९१७६ नम्बरको मोटरसाइकलमा सवार कोशी गाउँपालिका ६ का बिसे शर्मा र पछाडि सवार उदय मुखिया मलाहलाई ३३ किलो जंगली बदेंलको मासुसहित पक्राउ गरिएको हो ।
पक्राउ परेका उनीहरूलाई आवश्यक कारबाहीको लागि जिल्ला वन कार्यालय सुनसरीमा बुझाइएको प्रहरीले जनाएको छ ।
Discussion about this post