तरहरा : इटहरी–धरान सडकखण्ड अन्र्तगत चारकोशे जंगलमा सरकारी नम्बर प्लेटको मोटरसाइकल दुर्घटना हुँदा सशस्त्र प्रहरीका सईको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका प्रवक्ता डीएसपी सुमन तिम्सिनाका अनुसार बुधबार (हिजो) राति ८ः४५ बजे धरान ८ मा पर्ने सेउती पुल नजिकै चारकोशेमा को १ ब २४३८ नम्बरको मोटरसाइकल दुर्घटनामा सशस्त्रका सईको मृत्यु भएको हो ।
मृत्यु हुनेमा सोलुखुम्बुको दूधकोशी गाउँपालिका १ घर भई सशस्त्र प्रहरी बेस क्याम्प डङ्ग्राहा मोरङमा कार्यरत नायब निरीक्षक (सई) सन्तोष बस्नेत रहेका छन् ।
‘राति ८ः४५ बजे आफैं अनियन्त्रित भई दुर्घटना हुँदा सशस्त्रका सईको मृत्यु भएको हो,’ तिम्सिनाले टाकुरासँग फोन सम्पर्कमा भने, ‘दुर्घटनाको कारण अनियन्त्रित भई भन्ने खुलेको छ, घटनाबारे थप अनुसन्धान भइरहेको छ ।’
प्रहरीका अनुसार सेउतीस्थित कोशी राजमार्गमा दक्षिणतर्फ जाँदै गरेको मोटरसाइकल आफैं अनियन्त्रित भई दुर्घटना भएको हो ।
दुर्घटनाबाट गम्भीर घाइते भएका बस्नेतको धरानस्थित वीपी कोइराला स्वास्थ्य विज्ञान प्रतिष्ठानमा पु–याउनसाथ डाक्टरले मृत घोषणा गरेको प्रहरीले जनाएको छ । मोटरसाइकल इलाका प्रहरी कार्यालय धरानको नियन्त्रणमा रहेको छ ।
घटनाबारे थप अनुसन्धान भइरहेको प्रहरीले जनाएको छ ।
Discussion about this post