इटहरी (डेस्क) : मादक पदार्थ सेवन गरेर घर आउँदा आमा र बहिनीको कुटपिटबाट एक युवकको मृत्यु भएको छ ।
प्रदेश १ प्रहरी कार्यालय विराटनगरका अनुसार मृत्यु हुनेमा मोरङको कटहरी गाउँपालिका ५ का ४० वर्षीय राजेन्द्र उराव रहेका छन् ।
कुटपिटमा सम्लग्न रहेका ५५ वर्षीय बातियो उराव र ३० वर्षीय रिता उरावलाई प्रहरीले पक्राउ गरेको जनाएको छ ।
गत मंसिर ११ गते राजेन्द्रले मादक पदार्थ सेवन गरी घर आएर विवाद गर्ने क्रममा आमा र बहिनीले बाँसको लाठीले टाउकोमा प्रहार गर्दा घाइते भएका राजेन्द्रको नोबेल अस्पताल विराटनगर उपचारको क्रममा मृत्यु भएको हो ।
घटना सम्बन्धमा थप अनुसन्धान भइरहेको जिल्ला प्रहरी कार्यालय मोरङले जनाएको छ ।
Discussion about this post