उदयपुरमा टिपरको ठक्करबाट वृद्ध पुरुषको मृत्यु

उदयपुर : उदयपुरमा टिपरको ठक्करबाट एक वृद्ध पुरुषको मृत्यु भएको छ ।

पूर्व क्षेत्रीय ट्राफिक प्रहरी कार्यालय इटहरीका अनुसार जिल्लाको कटारी नगरपालिका ३ मा बा ३ ख ४४१६ नम्बरको टिपरले ठक्कर दिँदा सोही स्थानका ७२ वर्षीय जिनिलाल ठाकुरको मृत्यु भएको हो।

प्रहरीका अनुसार बुधबार साँझ ७ः५० बजेतिर टिपरले ठक्कर दिँदा ठाकुरको घटनास्थलमै मृत्यु भएको हो ।

दुर्घटनामा संलग्न टिपर र चालक ३० वर्षीय कमल यादवलाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ ।