इटहरी : राष्ट्रिय फोटो पत्रकार समूह (एनफएपिजे) नेपालले आफ्नो स्थापनाको २५ औं वर्षको अवसर पारेर इटहरीका फोटोपत्रकार गुरु ढकाललाई सम्मान गरेको छ ।
संस्थाका अध्यक्ष प्रदीपराज वन्तको अध्यक्षतामा सञ्चालन भएको उक्त कार्यक्रमका प्रमुख अतिथि नेपाल सरकारका अर्थमन्त्री, जनार्दन शर्मा र विषेश अतिथि युवा तथा खेलकुदमन्त्री महेश्वरजंग गहतराजले ढकाललाई सम्मान गरेका थिए ।
समूहले विभिन्न अवार्डका विधाहरुमा आवेदन खुल्ला गरि पाँच जनालाई छनौट गरी फरक–फरक विधामा एक–एक जना फोटोपत्रकार विजेताहरू चयन गरिएको थियो ।
विभिन्न विधा अन्तरगत नेपाल टेलिकम दैनिक जीवन फोटो पत्रकारिता विधातर्फ सुनील शर्मा, खेलकुद फोटो पत्रकारिता विधामा हरिस सिंह नगाल, पञ्चकन्या ग्रुप महिला फोटो पत्रकारिता विधामा अनन्ता भण्डारी, पर्यटन तथा संस्कृति फोटो पत्रकारिता विधाका लागि हरि मर्हजन, ग्लोवल आईएमइ बैक आर्थिक फोटो पत्रकारिता विधाका अशोक दुलाल, राजनैतिक फोटो पत्रकारिता विधातर्फ नवीनबाबू गुरुङ, कृषि विकास बैंक स्वतन्त्र फोटो पत्रकारिता विधाका लागि दीपेन्द्र मर्हजनले अवार्ड तथा प्रमाणपत्र प्राप्त गरेका थिए ।
यस्तै, प्रदेश स्तरीय फोटो पत्रकारिता अवार्ड विधातर्फ प्रदेश नं. १ उत्कृष्ट फोटो पत्रकारिता विधामा गुरु ढकाल, मधेश प्रदेश उत्कृष्ट फोटो पत्रकारिता विधाका लागि जियालाल प्रसाद साह, बागमती प्रदेश उत्कृष्ट फोटो पत्रकारिता विधामा सन्तोष श्रेष्ठ, गण्डकी प्रदेश उत्कृष्ट फोटो पत्रकारिता विधामा प्रेम थापा, लुम्बिनी प्रदेश उत्कृष्ट फोटो पत्रकारिता विधामा मनोज पौडेल, कर्णाली प्रदेश उत्कृष्ट फोटो पत्रकारिता विधामा वसन्तप्रताप सिंह, सुदुरपश्चिम प्रदेश उत्कृष्ट फोटो पत्रकारिता विधामा विनोद विष्टले अवार्ड जितेका थिए ।
फोटो पत्रकार समूहले कोरोनाको समयमा फोटोपत्रकारहरुले खिचेका फोटोहरूको संकलन गरी लकडाउनमा नेपाल नामक फोटो पुस्तक पनि सार्वजनिक गरेको थियो ।
Discussion about this post