तरहरा : हङकङ–तरहरा मञ्च, साबिकको हङकङ तरहरा हाँसपोसा मञ्चका अध्यक्ष कालसिंह राईलाई दोहोर्याउँदै मञ्चले नयाँ कार्यसमिति गठन गरेको छ ।
हङकङमा बसेर मातृभूमिका लागि सामाजिक, शिक्षा, स्वास्थ्य, खेलकुद लगायतका क्षेत्रमा आर्थिक सहयोग गर्दै आएको मञ्चले आपतकालिन र दैवीप्रकोप लगयातका बेला समेत ठूलो रकममा नेपालका लागि, विशेषगरी, इटहरी (त्यसमा पनि तरहरा क्षेत्र)का लागि सहयोग गर्दै आएको छ ।
पछिल्लो कालमा विभिन्न चरण र कार्यक्रममा गरेर दश लाख बढी आर्थिक सहयोग गरिसकेको मञ्चले भविष्य कार्ययोजना अनुसार थप सहयोग गर्ने बताएको छ ।
यसअघिका सचिव किरण तामाङ (भक्त) उपाध्यक्ष हुदै गर्दा सचिवमा रामप्रसाद राई, सह–सचिवमा अस्मित राई, कोषाध्यक्षमा मिरा कार्की र सह–कोषाध्यक्षमा सञ्जीव राई सर्वसम्मत चयन भएका छन् ।
त्यसैगरी, सदस्यहरूमा हेमन्त राई, मकर राई, युवराज मगर, जानुका वन, दुर्गा राई, विजय राज पूरी, चन्द्र लिम्बू, सुजिन गुरुङ र अमृता लिम्बू चयन भएका छन् ।
निर्वाचित भएपछि अध्यक्ष राईले विदेशमा तरहराका परिवारलाई एकीकृत बनाउन र आपसी प्रेम, सद्भाव र सहयोग कायम गर्न मञ्चले काम गर्ने बताए । उनले यहीँ मञ्चले तरहरालाई प्रगतिशील फड्को मार्नका लागि आर्थिकदेखि आवश्यक सबै उचित सहयोग गर्ने पनि प्रतिबद्धता गरे ।
कार्यक्रमका अतिथि समेत रहेका हङकङ धरान मञ्चका पूर्वाध्यक्ष विष्णु पाख्रिने निर्वाचन समितिका संयोजक थिए भने सुनुवार समाजका पूर्वअध्यक्ष गौरव सुनवार र तरहरा निवासी युवा व्यवसायी बालकुमार गुरुङ सदस्य रहेका थिए ।
प्रमुख आतिथ्य ग्रहण गरेका धरान हङकङ मञ्चका अध्यक्ष रुकमाण लिम्बूले एकै ठाउँका समाज गठन हुनुले भावनात्मक प्रेम, सद्भाव र आदरसम्मान बढ्नेदेखि एकआपसमा सहयोग आदानप्रदान समेत हुने जिकिर गरे ।
त्यस्तै, कार्यक्रमका विशिष्ट अतिथि रहेका कांग्रेस सुनसरी क्षेत्र नं. २ का क्षेत्रीय सभापति एवम् लिवरल सोसाइटीका अध्यक्ष सुबेक्छु देवान राईले हङकङ तरहरा मञ्चले आफ्नो गाउँ तरहरामा गरेको योगदान उल्लेखनीय भएको प्रशंसा गर्दै समाजले मञ्चको उच्च मूल्याकन गरेको बताए ।
कार्यक्रममा नुमाफुङ चलचित्रका नायक रमेश सिंगक, हङकङ मञ्चका पूर्वअध्यक्ष नानीचन्द्र लिम्बु, अग्रज फोटोग्राफर मात्रदिप राई र जेष्ठ नागरिक एवम् मञ्काच अभिभावक ज्ञानुकुमारी गुरूङ लगयातका सामाजिक व्यक्तित्वहरुको उपस्थिति थियो ।
Discussion about this post