इटहरी : झापामा भएको सवारी दुर्घटनामा एकजनाको मृत्यु भएको छ ।
झापाको मेचीनगर नगरपालिका १५ स्थितमा काठको गोलिया बोकेको मे १ ख ६०५ नम्बरको ट्रकले रोकी राखेको ना २ ख ८७९९ नम्बरको ट्रकमा ठक्कर दिदाँ इटहरीका एक युवकको मृत्यु भएको छ ।
दुर्घटनामा घाइते भएका मे १ ख ६०५ नम्बरको ट्रकका सहचालक इटहरी ४ सुनसरीका २० वर्षीय सन्दीप नेपालीको उपचारको क्रममा बी एण्ड सी अस्पताल बिर्तामोडमा उपचारको क्रममा मृत्यु भएको हो ।
घटनामा संलग्न ट्रक र चालक इलामका २४ वर्षीय पुरन लुङ्गेली मगरलाई इलाका प्रहरी कार्यालय धुलाबारीले नियन्त्रणमा लिएर घटना सम्बन्धमा थप अनुसन्धान भइरहेको प्रहरीले जनाएको छ ।
Discussion about this post