संखुवासभा : जन्मदिनको अवसर पारेर पत्रकार दुर्गेश पौडेलले विधार्थीलाई शैक्षिक सामग्री वितरण गरेका छन् ।
संखुवासभा जिल्लाको धर्मदेवी नगरपालिका वडा नं. ६ स्थित विश्वज्योती आधारभूत विद्यालयका विद्यार्थीहरूलाई पत्रकार पौडेलले एक कार्यक्रमकाबीच एक वर्ष पुग्नेगरी शैक्षिक सामग्री वितरण गरेका हुन् ।
सामुदायिक विद्यालयको शैक्षिक गुणस्तर बढाउनको लागि र विद्यार्थीलाई हौसला प्रदान गर्न शैक्षिक सामग्री वितरण गरिएको उनले बताए ।
हरेक वर्षको जन्मदिनमा वडा नं. ६ का विभिन्न विद्यालयमा सम्पूर्ण विद्यार्थीहरूलाई शैक्षिक सामग्री वितरण गर्ने कार्यक्रम राखेको र यो वर्ष वडाको माथिल्लो क्षेत्रमा रहेको विद्यालयमा अध्ययनरत २१ जना विद्यार्थीहरूलाई एक दर्जन कापी र एक दर्जन डटपेन वितरण गरिएको उनले बताए ।
विद्यालयमा शैक्षिक सामग्री वितरण गरेर विद्यार्थीको शैक्षिक गुणस्तर वृद्धि गर्न सहयोग पुर्याएको भन्दै प्रधानाध्यापक गायत्र महतले धन्यवाद प्रकट गरे ।
कार्यक्रममा उपस्थित विद्यालय व्यवस्थापन समिति अध्यक्ष दावा लामा साथै उक्त टोल विकास संस्थाका अध्यक्ष श्याम बहादुर गुरुङलेसमेत यस्ता किसिमका रचनात्मक कामले सामुदायिक विद्यालयमा विद्यार्थीको आकर्षण बढ्ने बताएका थिए ।
पत्रकार पौडेल पत्रकार महासंघ संखुवासभा जिल्ला कार्यसमिति सदस्य, प्रेस युनियन संखुवासभा उपाध्यक्ष साथै धर्मदेवी नगरपालिकामा रहेको सामुदायिक रेडियो नयाँ अभियान एफएमका स्टेशन मेनेजर हुन् ।
Discussion about this post