पाँचथर : पाँचथरको मिक्लाजुङ गाउँपालिका–२ मा निर्माणाधीन सौर्य वायु ऊर्जा प्रणालीमा कार्यरत एक प्राविधिकको करेन्ट लागेर मृत्यु भएको छ। मृत्यु हुनेमा चन्द्र रैकामगर रहेका छन् ।
उनी स्थानीय सप्तमी बजारका बासिन्दा रहेको जिल्ला प्रहरी कार्यालय पाँचथरले पुष्टि गरेको छ।
घटनाको यथार्थ कारण खुल्न बाँकी भए पनि प्रारम्भिक जानकारीअनुसार रैकामगर ऊर्जा प्रणालीमा काम गरिरहेका बेला करेन्ट लागेको हो। उनको शव घटनास्थलको प्रकृति मुचुल्का गरी पोस्टमार्टमका लागि प्राथमिक स्वास्थ्य केन्द्र रवि पठाइएको छ।
जिल्ला प्रहरी कार्यालय पाँचथरका प्रमुख डीएसपी कौशल बुढाथोकीका अनुसार घटनास्थलको प्रारम्भिक अनुसन्धान भइसकेको छ ।
नवीकरणीय ऊर्जा परियोजनाहरूमा संलग्न श्रमिकहरूको सुरक्षाका विषयमा पछिल्लो समय प्रश्न उठ्दै आएको छ।
परियोजनामा कार्यरत श्रमिकलाई सुरक्षात्मक उपकरण, विद्युत् सम्बन्धी जोखिमका तालिम, र प्राथमिक उपचारको व्यवस्था अभाव भएको स्थानीय स्रोतहरू बताउँछन्।
एक स्थानीय बासिन्दा भन्छन्, “काम गर्नेहरूलाई हेल्मेट, सेफ्टी ग्लोभज, वा करेन्ट इन्सुलेशनसम्बन्धी सामग्री नभएको देखिन्थ्यो। यस्तो लापरवाहीले मानवीय क्षति निम्त्याउँछ।”
Discussion about this post