सोलुखुम्बु : सोलुखुम्बुको सोलुदुधकुण्ड नगरपालिका–८, बाघखोरमा टेम्पो दुर्घटना हुँदा एक जनाको ज्यान गएको छ भने तीन जना घाइते भएका छन्।
जिल्ला प्रहरी कार्यालय सोलुखुम्बुका अनुसार सदरमुकाम सल्लेरीबाट ओखलढुंगा जाँदै गरेको टेम्पो मंगलबार बिहान साढे ११ बजेतिर अनियन्त्रित भई करिब १५० मिटर तल खसेको हो।
दुर्घटनामा ओखलढुंगा मोलुङ गाउँपालिका–८ का २८ वर्षीय लाक्पा शेर्पाको घटनास्थलमै मृत्यु भएको डीएसपी मनोजित कुँवरले पुष्टि गरे।
घटनामा घाइते हुनेहरूमा टेम्पो चालक थुलुङदुधकोशी गाउँपालिका–६, मुक्लीका ३८ वर्षीय राजेश विक, ४० वर्षीय काजी विक र मोलुङ गाउँपालिका–८, ओखलढुंगाका ३५ वर्षीय मिङमार शेर्पा रहेका छन्।
उनीहरूको उपचार फाप्लुस्थित जिल्ला अस्पतालमा भइरहेको प्रहरीले जनाएको छ।
दुर्घटनाको कारण अझै खुल्न बाँकी रहे पनि प्रारम्भिक अनुमान अनुसार तीव्र गतिका कारण टेम्पो अनियन्त्रित भएको हुन सक्ने प्रहरीको भनाइ छ।
Discussion about this post