झापा : झापामा चार वर्षीया बालिकाको खोलामा डुबेर मृत्यु भएको छ ।
जिल्ला प्रहरी कार्यालय झापाका प्रहरी नायब उपरीक्षक खगेन्द्रबहादुर खड्काका अनुसार, झापा गाउँपालिका–३, झाँटी निवासी मानबहादुर दर्जीका चार वर्षीया छोरी विष्णुमाया दर्जीको डुबेर मृत्यु भएको हो ।
उनका अनुसार, विष्णुमायाको सानो माइखोलामा डुबेर मृत्यु भएको हो ।
आइतबारदेखि हराइरहेकी उनको खोजतलास गर्ने क्रममा सोमबार घर नजिकैको सानो माइखोलामा डुबेको अवस्थामा शव फेला परेको नायब उपरीक्षक खड्काले जानकारी दिए ।
घटनास्थलमा जिल्ला प्रहरी कार्यालय झापाबाट प्रहरी अधिकृतको टोली खटिएको छ ।
घटनाबारे थप अनुसन्धान भइरहेको जिल्ला प्रहरी कार्यालयले जनाएको छ । शव परीक्षणका लागि मेची प्रादेशिक अस्पताल पठाइएको बताइएको छ ।
Discussion about this post