इटहरी : सुनसरीको देवानगञ्जबाट प्रहरीले भन्सार छली भारतबाट नेपालतर्फ ल्याउँदै गरेको ठूलो परिमाणको लत्ताकपडा बरामद गरेको छ ।
देवानगञ्ज गाउँपालिका–२ स्थित मरिया खोलामा बुधबार साँझ प्रहरीले भारतबाट नेपालतर्फ आउँदै गरेको बीआर ०१ सीए १४२३ नम्बरको भारतीय मोटरसाइकल रोकी जाँच गर्ने क्रममा भन्सार छली ल्याइएका लत्ताकपडा बरामद गरेको हो ।
इलाका प्रहरी कार्यालय देवानगञ्जबाट खटिएको प्रहरी टोलीले बरामद गरेको कपडाको अन्दाजी मूल्य एक लाख ३२ हजार पाँच सय रुपैयाँ रहेको प्रहरीले जनाएको छ ।
बरामद सामग्री तथा भारतीय मोटरसाइकललाई आवश्यक कारबाहीका लागि इलाका प्रहरी कार्यालय देवानगञ्जमा राखिएको छ । घटनाबारे थप अनुसन्धान तथा आवश्यक कानुनी प्रक्रिया अघि बढाइएको प्रहरीले जनाएको छ ।
Discussion about this post