‘मेरो मृत्युमा कोही जिम्मेवार छैन । म मेरो घरमा खर्चको कारण बनेको छु । म र मेरो शिक्षा परिवारका लागि बोझ बनेको छ । म पढाई बिना बाँच्न सक्दिन् ।’
यहि नै अन्तिम शब्द हो । दिल्लीको प्रसिद्ध कलेजकी छात्रा ऐश्वर्या रेड्डीको । उनले आत्महत्या अघि सुसाइट नोटमा लेखेकी थिइन् ।
हैदराबाद शादनगरमा बस्दै आएकी ऐश्वर्याले १२ कक्षामा ९८ प्रतिशत ल्याएर कलेज टप गरेकी थिइन् । दिल्लीको प्रतिष्ठित श्रीराम कलेजमा गणीतमा स्नातक गर्दै थिइन् ।
लकडाउन भएपछि उनी आफ्नो घर गइन् । परिवारको आर्थिक स्थिती कमजोर भएकाले पढाइमा ध्यान दिन पाइनन् । उनले अनलाइन क्लासका लागि एउटा ल्यापटप किन्न चाहेकी थिइन् । परिवारका सदस्यले भरपुर प्रयाश गर्दा पनि ल्यापटप किन्ने पैसा जुटाउन सकेनन् ।
गएको नोभेम्बर २ मा उनले आत्महत्या गरिन् । उनका बुबा मेकानिक हुन् भने आमा घरमै बसेर लुगा सिउछिन् । यो परिवारको जम्मा दुई कोठाको घर छ ल्यापटप किन्नका लागि घर धितो राख्ने समेत योजना बनाएका थिए तर, सम्भव भएन ।
ऐश्वर्याले मुख्यमन्त्री केसी रामारावका छोरा, आइटी मन्त्री केटी रामारावलाई ट्विट गरेकी थिइन् । भारत सरकारको साइन्स एण्ड टेक्नोलोजी विभागमा इन्स्पायर स्कलरशिपका लागि आवेदन पनि हालेकी थिइन् । कतैबाट पनि उनको माग सुनुवाई भएन ।
Discussion about this post