भारतमा आएको चक्रवातको असर नेपालको मध्य तथा पूर्वी क्षेत्रमा बुधबार रातिदेखि देखिन थालेको छ । पूर्वी क्षेत्रमा हावाहुरी चल्न थालेको छ । १५ गते शनिबारसम्ममा देशमा धेरैजसो भागमा हावाहुरीसहित पानी पर्ने सम्भावना देखिएको छ ।
पश्चिमी बंगालको खाडीमा विकसित भएको जलवायुको प्रभाव र शक्तिशाली चक्रवात उत्तर–उत्तरपश्चिम सर्ने क्रममा छ। त्यसले केही दिन सतर्कता अपनाउन राष्ट्रिय विपद् जोखिम न्यूनीकरण तथा व्यवस्थापन प्राधिकरणले अनुरोध छ ।
जल तथा मौसम विज्ञान विभागका अनुसार प्रदेश १, प्रदेश २, बाग्मती र लुम्बिनी प्रदेशको तराईमा अति भारी वर्षा, चट्याङ पर्ने र उच्च बेगको हावाहुरी आउने सम्भावना छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले सुरक्षित स्थानमा बस्न र नदी, खोला किनार एवं पहिरो आसपास बसोबास गर्ने बासिन्दालाई सतर्क रहन अनुरोध गर्दै सतर्कताका सूचना सम्प्रेषण गर्न भनेको छ ।
सम्भावित वर्षा एवं बाढीबारे थाहा पाउन जल तथा मौसम विज्ञान विभागको टोल फ्रि नं ११५५ मा फोन गर्न र तत्काल खोज, उद्धार र राहतका लागि राष्ट्रिय आपत्कालीन कार्य सञ्चालन केन्द्रको टोल फ्रि नं ११४९ मा सम्पर्क गर्न अनुरोध गरिएको छ ।
Discussion about this post