मौसम पूर्वानुमान : प्रदेश १ सहित विभिन्न ठाउँमा मेघ गर्जन र चट्याङसहित वर्षा

इटहरी : आइतबार (आज) देशभरको मौसममा बदली भएको छ । भारतको दक्षिण बिहार तथा आसपासमा अवस्थित न्यून चापिय क्षेत्रको प्रभावका कारण हाल देशभर बदली भएको हो ।

बिहानैबाट प्रदेश १, २ र कर्णाली प्रदेशका केही स्थानमा वर्षा भइरहेको मौसम पूर्वानुमान महाशाखाले जनाएको छ ।

दिउँसो र राति प्रदेश १, २ र वाग्मती प्रदेशका धेरै स्थानमा मेघ गर्जन र चट्याङसहित हल्कादेखि मध्यम वर्षाको सम्भावना छ ।

पहाडी भू–भागमा भू–क्षय, पहिरो तथा गेग्रान बहावको जोखिम रहेकाले सतर्कता अपनाउन महाशाखाले अनुरोध गरेको छ ।