धरान : धरानस्थित वीपी कोइराला स्वास्थ्य विज्ञान प्रतिष्ठानमा उपचारका लागि आउने ज्येष्ठ नागरिकहरूले अन्य चेकजाँच गर्न आउनेहरूकै लाइनमा लामो समय पालो पर्खन नपरोस् भनी नयाँ व्यवस्था गरेको जनाएको छ ।
प्रतिष्ठानकी प्रवक्ता डा. अञ्जु प्रधानले जारी गरेको एक विज्ञप्ति अनुसार ज्येष्ठ नागरिकलाई लक्षित गरी वीपीको इन्टरनल मेडिसिन विभागले दिँदै आएको विशेष सेवा हप्ताको एक दिन जेरिएट्रीक क्लिनिक सञ्चालन गरिएको बताइएको छ ।
फागुन १ गतेदेखि सुरु भएको यो सेवा हप्ताको हरेक बिहीबार बिहान १० बजेदेखि १ बजे सम्म खुला रहनेछ ।
विज्ञप्तिमा भनिएको छ ‘क्लिनिक ज्येष्ठ नागरिकहरूलाई उमेरका कारणले हुने आन्तरिक कमजोरी साथै शारीरिक तथा मानसिक समस्याहरू जस्तै निन्द्रा नलाग्ने, खाना नरुच्ने, थकान महसुस हुने आदि तथा दुई वा सो भन्दा बढी रोगहरू भएकाहरूलाई उपचार गर्ने उद्देश्यले सञ्चालनमा ल्याइएको हो ।’
Discussion about this post