इटहरी : मोरङको सुन्दरहरैँचा नगरपालिका ७ गणेशपुरकी डेढ वर्षीया बालिकाको बलात्कारपछि हत्या भएको खुलेको छ ।
जिल्ला प्रहरी कार्यालय मोरङका प्रहरी उपरीक्षक (एसपी) जनार्दन जिसीका अनुसार सुन्दरहरैँचामा दुईदिनअघि साँझको समयमा घरबाटै हराएकी बालिका स्थानीय झाडीमा अर्धचेत अवस्थामा भेटिएकी थिइन् ।
अचेत अवस्थामा भेटिएकी बालिकालाई उद्वार गरी विराटनगरको नोबेल अस्पताल लगिएपनि उपचारको क्रममा सोही दिन राति साढे १२ बजे मृत्यु भएको एसपी जिसीले बताए ।
उनले भने, ‘आँगनमा खेलिरहेकी बच्चीलाई झाडीमा लगेर दुवैजनाले बलात्कार गरेपछि बियरको बोतलले टाउकामा प्रहार गरेछन्, प्रहारपछि मृत्यु भयो भन्ने भान भएकाले उनीहरू त्यहाँबाट भागेछन् ।’
उनका अनुसार घटना शंकास्पद देखिएपछि प्रहरीले सुक्ष्म भएर अनुसन्धान गरेको र शनिबार दुईजनालाई पक्राउ गरिएको थियो । पक्राउ पर्नेहरूमा स्थानीय २५ वर्षीय अजय चौधरी र २८ वर्षीय मिथुन चौधरी रहेका छन् । उनीहरूले गाँजा सेवन गरेपछि बलात्कार गरेको र हत्याका लागि सिसाको बोतल र ढुङ्गा प्रहार गरेको खुलेको उनले बताए ।
‘पक्राउ पर्नेहरूको र मृतकको वडा एउटै रहेछ, बलात्कारपछि हत्या गरेको उनीहरूले स्वीकार गरेका छन्,’ एसपी जिसीले टाकुरासँग भने, ‘गाँजा र मादक पदार्थ सेवन गरेपछि आँगनमा खेलिरहेकी बच्चीलाई झाडीमा लगेर बलात्कार गरियो, त्यसपछि बियरको बोतलले टाउकोमा हानिएको खुलेको छ ।’
प्रहरीका अनुसार पक्राउ परेकाहरू यसअघि पनि लागूऔषधको कुलतमा थिए ।
पक्राउ परेकाहरूलाई आइतबार जिल्ला प्रहरी कार्यालय मोरङले पत्रकार सम्मेलन गरी सार्वजनिक गरेको थियो । पक्राउ परेका उनीहरूमाथि जिल्ला अदालत मोरङबाट पाँच दिनको म्याद लिएर थप अनुसन्धान भइरहेको प्रहरीले जनाएको छ ।
एसपी जिसीका अनुसार घरकै आँगनमा खेलिरहेकी बालिकालाई घर नजिकै झाडीमा लगेर पक्राउ परेका दुवैजनाले बालिकालाई बलात्कार गरेका थिए । बलात्कारपछि बालिका चिच्याउने क्रममा बियरको बोतल र ढुङ्गाले टाउकोमा प्रहार गरेको एसपी जिसीले बताए ।
उनले भने, ‘आँगनमा खेलिरहेकी बच्चीलाई झाडीमा लगेर दुवैजनाले बलात्कार गरेपछि बियरको बोतलले टाउकामा प्रहार गरेछन्, प्रहारपछि मृत्यु भयो भन्ने भान भएकाले उनीहरू त्यहाँबाट भागेछन् ।’
प्रहरीका अनुसार उनीहरूलाई शनिबार पक्राउ गरेर सुक्ष्म रूपमा अनुसन्धान गरिएपछि घटनाबारे स्वीकार गरेका छन् ।
पक्राउ परेकाहरूलाई आइतबार जिल्ला प्रहरी कार्यालय मोरङले पत्रकार सम्मेलन गरी सार्वजनिक गरेको थियो । पक्राउ परेका उनीहरूमाथि जिल्ला अदालत मोरङबाट पाँच दिनको म्याद लिएर थप अनुसन्धान भइरहेको प्रहरीले जनाएको छ ।
घटना अनुसन्धानको लागि इलाका प्रहरी कार्यालय बेलबारी, जिल्ला प्रहरी कार्यालय मोरङ र १ नं. प्रदेश प्रहरीको आरआइटीको संयुक्त अनुसन्धान टोली खटिएको थियो ।
Discussion about this post