इटहरी : इटहरी उपमहानगरपालिका वडा नं. ५ मा जीवनकुमार न्यौपाने कांग्रेसबाट वडाध्यक्षको उम्मेदवार छन् ।
उनले अहिले घरदैलो अभियानमा वृद्वभत्ता घरसम्मै पु¥याउने मुख्य योजनासाथ आफूले गर्ने कामबारे जनतालाई घरदैलोसम्म पुगेर भेटिरहेका छन् ।
१५ वर्ष अगाडिदेखि क्रियाशिल सदस्यता लिएर राजनीतिमा होमिएका न्यौपानेको अहिले क्रेज बढ्दो छ । उनी युवापुस्ताका मार्गनिर्देशकदेखि वृद्ववृद्वाको पनि सहारा बनिरहेका छन् ।
लोकप्रिय युवा नेताका रूपमा परिचित रहेका न्यौपानले अहिले वृद्ववृद्वा भत्ता लिनका लागि इटहरी बजार नै पुगेर घण्टौँसम्म लाइन लाग्नुपर्ने बाध्यता अब हट्ने बताए ।
‘इटहरी ५ का भित्री गाउँबाट बृद्वभत्ता लिनका लागि बजार नै जानुपर्ने र घण्टौसम्म लाइन लाग्ने बाध्यता अब हट्छ,’ उनले भने, ‘अब आवश्यकताअनुसार घरमै बृद्वभत्ता पु¥याउने हाम्रो प्रमुख प्राथमिकता छ, वडाबाटै वितरण गर्नेगरी पहल गर्नेछु ।’
उनले एक टोल, एक पार्कको अवधारणा ल्याइएका कारण यस क्षेत्रमा भएका पर्यटनका सम्भाव्यतालाई अध्ययन गरेर काम गर्ने प्रतिवद्वता व्यक्त गरे । यस्तै, पछिल्लो समय थारु समुदायको ग्रामथान पनि मासिइरहेकाले यसको प्रवद्र्वनका लागि आफूले विशेष काम गर्ने उनको दाबी छ ।
उनले यहाँ एमालेको नेतृत्वमा विकास निर्माणका कामसमेत ओझेलमा परेको बताए ।
‘बाटाघाटा निर्माणमा जनतासँग पैसा उठाएर विकास गरिएको छ, हामीले जितेको अवस्थामा जनताको माग अनुसार रकमै नलिइनकन वडाकै बजेटबाट पनि विकास गर्ने योजनामा छौँ,’ न्यौपाने भन्छन्, ‘शिक्षा क्षेत्रको स्तरोन्नतिका निम्ति पनि विशेष योगदान हुनेछ, स्वास्थ्य क्षेत्रमा भएका समस्या समाधानमा पनि अग्रणी भूमिकामा रहेर काम गर्नेछौँ ।’
उनले यहाँ रहेको जनता बहुमुखी क्याम्पसको स्तरोन्नति सँगै ज्योति मावि र रक्तमाला विद्यालयमा अंग्रेजी माध्यमबाट अध्यापन गर्नका लागि आफूले विशेष पहल गर्ने बताए ।
यस्तै, खेलकुद क्षेत्रको विकासका निम्ति र यहाँका युवाहरूलाई खेलकुदमा प्रोत्साहन गर्नका लागि आफूले काम गर्ने उनको दाबी छ । यस्तै, खोला, पैनीको उचित व्यवस्थापन गर्नका निम्ति आफ्नो महत्वपूर्ण योजना रहेको उनले सुनाए ।
‘खोला पैनीको उचित व्यवस्थापन गर्ने, जनताबस्तीको उचित व्यवस्थापन गर्ने, हाटबजार व्यवस्थापन, फोहोरमैलाको व्यवस्थापन, ग्रामथानको प्रवद्र्वन जस्ता कुरालाई प्राथमिकतामा राखेर काम गर्नेछु,’ उनले भने, ‘एक टोल, एक पार्कको अवधारणालाई आत्मसाथ गर्दै पर्यटन क्षेत्रको पनि प्रवद्र्वन गरिनेछ ।’
उनले एक टोल, एक पार्कको अवधारणा ल्याइएका कारण यस क्षेत्रमा भएका पर्यटनका सम्भाव्यतालाई अध्ययन गरेर काम गर्ने प्रतिवद्वता व्यक्त गरे । यस्तै, पछिल्लो समय थारु समुदायको ग्रामथान पनि मासिइरहेकाले यसको प्रवद्र्वनका लागि आफूले विशेष काम गर्ने उनको दाबी छ ।
यही बैशाख ३० गते हुने स्थानीय तहको निर्वाचनमा न्यौपानेको प्यानलमा महिला वडा सदस्यमा लक्ष्मी बस्नेत, दलित महिला सदस्यमा तारादेवी शंकर, खुल्ला सदस्यमा दीपक गौतम र खुल्ला सदस्यमा माओवादी केन्द्रका राजकुमार राई चुनावी मैदानमा छन् ।
यस्तो छ न्यौपानेको पृष्ठभूमि
२०३९ बैशाख ७ मोरङको इटहरामा जन्मिएका उनी ०४६ मा इटहरी आएका हुन् ।
जनता बहुमुखी क्याम्पस अध्ययन गरेका न्यौपाने विभिन्न सामाजिक संघसंस्थामा पनि आवद्व छन् । मोरङमा जन्मिएपनि उनले बाल्यकाल भने ताप्लेजुङमा व्यतित गरे ।
बाल्यकालदेखि नै कांग्रेसमा आस्थावान उनी यसअघि कांग्रेसको क्षेत्रीय सदस्य समेत भइसेका छन् । लायन्स क्लब अफ इटहरी, सुनसरीका सचिव, कोषाध्यक्ष भइसकेका छन् ।
पचरुखी युवा क्लबका उपाध्यक्ष समेत रहेका न्यौपाने अन्य विभिन्न संघसंस्थामा आवद्व भएर काम गरिसकेका छन् ।
Discussion about this post