इटहरी : आगामी ४ मंसिरमा हुने प्रदेश तथा प्रतिनिधिसभाको निर्वाचनमा सत्ता गठबन्धनका उम्मेदवारलाई विजयी गराउन निर्वाचन परिचालन समिति गठन गरिएको छ ।
शनिबार संयुक्त बैठक बस्दै निर्वाचन परिचालन समिति गठन गरिएको हो । नेपाली कांग्रेस सुनसरी क्षेत्र नं. २ (क) का सभापति सुबेक्छु देवान राईको संयोजकत्वमा २,५०१ सदस्यीय समिति गठन गरिएको हो ।
कांग्रेस क्षेत्र नं. २ (क) का सचिव चिन्तामणि सापकोटाका अनुसार सुनसरी क्षेत्र नं. २ मा प्रतिनिधिसभातर्फ नेपाली कांग्रेसका तर्फबाट सीताराम मेहता उम्मेदवार छन् भने प्रदेशसभातर्फ माओबादी केन्द्रबाट द्वारिकलाल चौधरी उम्मेदवार छन् ।
‘केन्द्रको निर्देशनलाई अवलम्बन गर्दै हामीले आजको बैठकबाट निर्वाचन परिचालन समिति गठन गरेका हौँ,’ सचिव सापकोटाले भने, ‘यो समितिले गठबन्धनका उम्मेदवारलाई जिताउनका लागि सहजीकरण गर्नेछ ।’
उनका अनुसार माओबादी केन्द्रका उमेश साह र नेकपा एकीकृत समाजवादीका नीलहरी काफ्ले सहसंयोजक रहेका छन् ।
Discussion about this post