कोसी अस्पतालमा जन्मिए शरीर जोडिएका जुम्ल्याहा बच्चा

विराटनगर : विराटनगरको कोसी अस्पतालमा शरीर जोडिएका जुम्ल्याहा जन्मिएका छन् ।

सप्तरीको कल्याणपुरकी ३७ वर्षीया दुखनीदेवी भगत चौधरीले शरीरको अगाडिको भाग जोडिएका जुम्ल्याहा सन्तान जन्माएकी हुन् ।

बच्चाको छातीदेखि पेटसम्मको भाग जोडिएको छ । पेटदेखि मुनिको भाग भने अलग छन् । अरु अंग पनि जोडिएका छैनन ।

अस्पताल प्रशासनले दिएको जानकारीअनुसार दुवै छोरी हुन् । जन्मँदा तौल ३.४ किलोग्राम रहेको छ ।