लागूऔषधसहित तीन पक्राउ

विराटनगर : झापा र मोरङको छुट्टाछुट्टै स्थानबाट प्रतिबन्धित लागूऔषध ब्राउनसुगरसहित तीनजनालाई प्रहरीले पक्राउ गरेको छ ।

झापाको मेचीनगर नगरपालिका ६ स्थितमा विशेष सूचनाको आधारमा इलाका प्रहरी कार्यालय काँकडभिट्टा र लागूऔषध नियन्त्रण ब्यूरो काँकडभिट्टाबाट खटिएको प्रहरी टोलीले भारतबाट नेपालतर्फ आउँदै गरेका पैदलयात्री इलाम चुलाचुली गाउँपालिका ४ का २७ वर्षीय धीरज हिमाङ्लाई चेकजाँच गर्ने क्रममा उनको साथबाट ३५ ग्राम ब्राउनसुगर फेला पारी नियन्त्रणमा लिएको हो ।

यसैगरी विराटनगर महानगरपालिका १६ दरैया स्थितमा भारतबाट नेपालतर्फ आउँदै गरेको पैदलयात्री धरान उपमहानगरपालिका १५ का ३६ वर्षीय पूर्ण तामाङलाई लागूऔषध नियन्त्रण ब्यूरो विराटनगरबाट खटिएको टोलीले शंकास्पद अवस्थामा फेला पारी चेकजाँच गर्दा उनको साथबाट २ ग्राम ९४ मिलिग्राम ब्राउनसुगर फेला पारेसँगै पक्राउ गरेको हो ।

लागूऔषधसहित पक्राउ परेका उनीहरूमाथि थप अनुसन्धान भइरहेको प्रहरीले जनाएको छ ।