इटहरी : लागूऔषध दुर्व्यसनी तथा नियन्त्रण सम्बन्धी जनचेतनामूलक कार्यक्रम सम्पन्न भएको छ ।
परिवर्तन एक अभियान इटहरी ७ को आयोजनामा लागूऔषध दुर्व्यसनी तथा नियन्त्रण सम्बन्धी जनचेतनामूलक कार्यक्रम सम्पन्न भएको हो ।
स्थानीय सेक्रेडहार्ड इङ्लिस बोर्डिङ स्कूलका विद्यार्थीसहित स्थानीयबासीलाई लागूऔषध दुर्व्यसनबारे सचेत गराइएको हो ।
पछिल्लो समय लागूऔषध दुर्व्यसनमा जुनसुकै उमेर समूहका मानिसहरूपनि फस्दै गएकाले जनचेतनामूलक कार्यक्रम गरेको परिवर्तन एक अभियान इटहरीका अध्यक्ष तेजप्रसाद घिमिरे बताए ।
इलाका प्रहरी कार्यालय इटहरी, इटहरी वडा नं. ७, सेक्रेटहार्ट इङ्लिस स्कूल, लक्ष्मी माद्यमिक विद्यालय, एसओएस बालग्राम, एनटिभी इटहरीसहितको सहकार्यमा कार्यक्रम गरिएको उनले बताए ।
कार्यक्रममा वडाध्यक्ष देवनारायण चौधरी इलाका प्रहरी कार्यालय इटहरीका प्रहरी निरीक्षक भीमबहादुर खड्का, एनटिभी इटहरीका प्रमुख राजेन्द्रराज तिमल्सिना, सेक्रेटहार्ट स्कूलका प्रधानध्यापक डिकबहादुर तामाङसहित स्थानीय जनप्रतिनिधि, विद्यार्थी, शिक्षक, अभिभावकलगायतको उपस्थिति रहेको दीपक घिमिरेले जानकारी दिए ।
Discussion about this post