धरान : धरान उपमहानगरपालिका–८ स्थित सम्पाङ चोकबाट प्रहरीले लागूऔषधसहित दुई जनालाई पक्राउ गरेको छ।
अस्थायी प्रहरी चौकी बरगाछी धरानबाट खटिएको प्रहरी टोलीले दक्षिणबाट उत्तरतर्फ जाँदै गरेको ‘अन टेस्ट’ मोटरसाइकल चेकजाँच गर्ने क्रममा ठूलो परिमाणमा लागूऔषध बरामद गरेको हो।
प्रहरीका अनुसार मोटरसाइकल चालक सुनसरी हरिनगरा गाउँपालिका–६ बस्ने २१ वर्षीय अंकज अन्सारी र पछाडि सवार सोही स्थानका १८ वर्षीय अब्दुल वाहिद अन्सारीलाई नियन्त्रणमा लिइएको छ।
चेकजाँचका क्रममा अब्दुल वाहिद अन्सारीले बोकेको झोलाभित्र ट्रामाडोल २ हजार क्याप्सुल र डेकोलिक २ हजार ट्याब्लेट गरी जम्मा चार हजार पिस लागूऔषध फेला परेको प्रहरीले जनाएको छ।
प्रहरीले लागूऔषधसहित मोटरसाइकल नियन्त्रणमा लिई इलाका प्रहरी कार्यालय धरानमा थप अनुसन्धान भइरहेको जनाएको छ।
Discussion about this post