धरान : लागूऔषध मुद्दामा तीन वर्ष कैद र दुई लाख रुपैयाँ जरिवाना सजाय सुनाइएपछि फरार रहेका एक प्रतिवादीलाई प्रहरीले धरानबाट पक्राउ गरेको छ।
अस्थायी प्रहरी चौकी तीनकुनेबाट खटिएको टोलीले धनकुटा नगरपालिका–३ का ४७ वर्षीय चन्द्रध्वज राईलाई धरान उपमहानगरपालिका–८ बाट पक्राउ गरेको हो।
सुनसरी जिल्ला अदालतले २२ पुस २०८२ मा लागूऔषध मुद्दामा राईलाई तीन वर्ष कैद सजाय र दुई लाख रुपैयाँ जरिवाना गर्ने फैसला गरेको थियो। त्यसयता फरार रहेका उनलाई प्रहरीले पक्राउ गरेको जनाएको छ।
पक्राउ परेका राईलाई आवश्यक कानुनी कारबाहीका लागि इलाका प्रहरी कार्यालय धरानमार्फत सुनसरी जिल्ला अदालत पठाएर प्रक्रिया अघि बढाइएको प्रहरीले जनाएको छ।
Discussion about this post