वेदान्तमा मानसिक रोगको पनि उपचार हुने, यी हुन् मानसिक रोगका लक्षण

लामो समय अगाडिदेखि बिभिन अस्पतालमा आबद्ध रहेर मानसिक रोगको उपचार गर्दै आएका दक्ष, अनुभवी एवं तालिम प्राप्त बरिष्ठ मानसिक, नशा तथा टाउको रोग विशेषज्ञ डा. प्रभात चालीसेले इटहरीमा रहेको बेदान्त हस्पिटलमा सेवा दिने भएका छन् ।

न्यूरोसाइकयाट्री न्याम्स पाटन मानसिक अस्पताल काठमाडौंबाट हाल कोशी हस्पिटल विराटनगरमा सेवा दिईरहेका उनले अबदेखि इटहरीको वेदान्तमा पनि सेवा दिने भएका हुन् ।

बेदान्त हस्पिटलका प्रबन्ध निर्देशक इन्द्र श्रेष्ठका अनुसार
हरेक महिनाको पहिलो र तेस्रो शनिबार उनले सेवा दिनेछन् ।

२४ सै घन्टा इमरजेन्सी सेवा, डिजिटल एक्सरे, फार्मेसी, ल्याब, अपरेसन, प्लाष्टरका सेवाहरु दिदैँ आएको बेदान्तले प्रत्येक दिन विभिन्न रोगका विशेषज्ञ डाक्टरहरुबाट सेवा दिदैँ आएको छ ।

यी हुन् मानसिक रोगका लक्षण र कारण

– डिप्रेसनका बिरामीमा असामान्य व्यवहार गर्ने ।

– टाउको, नशा, छारेरोग, मृगी लागूऔषध प्रयोग, झर्किने, दिक्क लाग्ने, नकारात्मक सोच बढी आउने, दिमागले राम्रोसँग काम गर्न नसकेको जस्तो लाग्ने, रुन मन लाग्ने, काममा मन नलाग्ने , डिप्रेसन बढ्दै गएमा आत्महत्या गर्ने सोचाइ आउने, आफ्नो ख्याल राख्न छाड्ने अर्थात् कुनै कुरामा ध्यान नदिने, एक्लै बस्ने ।

– एन्जाइटीका बिरामीमा डर लाग्ने, तर्सिने, बिनाकारण झसङ्ग हुने, शरीरमा कम्पन हुने, श्वास फेर्न गाह्रो हुने, पसिना आउने, निद्रा नपर्ने, छटपटी हुने, कामको बेलामा विभिन्न खालको डर महसुस हुने ।

– मानसिक असन्तुलन भएका व्यक्तिमा अत्यधिक रिसाउने, तोडफोड गर्ने, अनावश्यक शंका गर्ने, घमण्ड गर्ने, ठूलो स्वरमा बोल्ने समस्या हुन्छ । रोगको वास्तविकता थाहा नहुने, कानमा कुनै किसिमको आवाज सुन्ने आदि कडा मानसिक रोगका लक्षण हुन् ।