इटहरी : यही बैशाख ३० गते हुने स्थानीय तहको निर्वाचनमा इटहरी उपमहानगरपालिका वडा नं. ८ बाट रोहित चौधरीले पुनः उम्मेदवारी दिएका छन् ।
नेपाली कांग्रेस इटहरी ८ का सभापति समेत रहेका चौधरी यहाँका लोकप्रिय नेता हुन् । गरीब, मजदुर, विपन्न तथा सर्वहाराका निम्ति सदैव आफूले काम गर्दै आएको उनले बताए ।
यसअघि पनि वडाध्यक्षमा निर्वाचित भएर जनताको काममा प्रत्यक्ष सहभागी भएका उनले यस क्षेत्रका जनताको समस्या बुझेको बताउँदै आएका छन् । उनले यहाँ आफूलाई लोभलाग्दो र आशलाग्दो नेताका रूपमा स्थापित गरेका छन् ।
उनले पहिलो कार्यकालमा बाँकी रहेका कामहरूलाई पूर्णता दिन दोश्रो कार्यकाल आवश्यक भएको बताउँदै चौधरीले आफ्नो वडालाई इटहरी उपमहानगरपालिकाको नमुना वडा बनाउने दाबी गरे ।
उनले भने, ‘पहिलो कार्यकालको समय वडालाई व्यवस्थित गर्ने काममा बित्यो । वडाको विकासका लागि महत्वपूर्ण आधारहरू निर्माण भएका छन्, अब यहाँहरूले जिताउनुभएको अवस्थामा दोस्रो कार्यकालमा अपूरा कामहरू पूरा गरेर ८ नम्बर वडालाई इटहरीकै नमुना वडा बनाउने छु ।’
इटहरी उपमहानगरपालिकाको शैक्षिक हवको रुपमा विकाश हुँदै गरेको उक्त वडामा सवै उमेर समूहमा उत्तिकै लोकप्रिय नेताको छवि बनाएका चौधरीले महिला वडा सदस्य, दलित महिला वडा सदस्य र दुई जना खुला वडा सदस्य सहितको टिम घोषणा गरेका हुन् ।
चौधरी नेतृत्त्वको उक्त टिममा खुला वडा सदस्यहरुमा खुपराज शर्मा र ध्रुब प्रसाद आचार्य रहेका छन् भने महिला वडा सदस्यमा हिरा कुमारी चौधरी रहेकी छन् । त्यसैगरी, दलित महिला वडा सदस्यमा रंजना सरदार रहेकी छन् ।
०७४ सालमा भएको स्थानीय तहको निर्वाचनमा पहिलो पटक विजयी भएका उनको पहिलो कार्यकाल सक्रिय एवम् उपलब्धीपूर्ण मानिएको छ ।
वडा कार्यालयको भवन निर्माण
पहिलो पाँच वर्षको अवधिमा उनको नेतृत्वमा ८ नम्बरको वडा कार्यालयको आफ्नै भवन निर्माण सम्पन्न भएको छ ।
वडा कार्यालयको उक्त भवन निर्माणका लागि चौधरीकी आमा सविता कुमारी चौधरीले एक कठ्ठा चार धूर जग्गा दान दिएकी हुन् । इटहरी उपमहानगरपालिका पालिकाका अन्य वडा कार्यालयहरु सरकारी भवनहरूमा आश्रित रहँदा र भाडाका घरमा कार्यालय संचालनमा रहिरहँदा चौधरीको नेतृत्त्वमा वडा नम्बर ८ को आफ्नै कार्यालय पाएको छ ।
जुन वडा कार्यालय निर्माण सम्पन्न भएको छ भने यहि बैसाख अन्त्यसम्ममा संचालनमा आउने तयारीमा छ ।
२३ किमी पक्की सडक निर्माण
०७४ को स्थानीय निर्वाचनमा निर्वाचित हुँदा इटहरीका सबैभन्दा कम उमेरका वडाध्यक्ष रहेका चौधरी आफ्नो वडामा सडक विस्तार, स्तरोन्नति र पक्कि बनाउने कार्यमा महत्त्वपूर्ण काम गरेका छन् । आफ्नो कार्यकलमा उनको नेतृत्वमा वडामा २३ किलोमिटर पक्की सडक निर्माण भएको छ ।
चौधरीले आफ्नो नेतृत्त्वमा चार करोडको लागतमा इटहरी बसपार्क देखि घुर्की ‘बाईपास ट्रयाक’ समेत निर्माण गरेका छन् । इटहरी नगरपालिका हुँदै जाने इटहरी रिङ्गरोडको अधुरो रहेको विसुबाबा ग्राम थान हुँदै पुष्पलाल चोकदेखि पश्चिममा वडा नम्बर ७ को सिमाना सम्मको (लिंक रोड) कालो पत्रे निर्माणको काम सम्पन्न भएको छ ।
नगरको मुख्य सडकहरु सँग जोडिएका भित्री सहायक सडकहरुको स्तरोन्नति गर्ने र पक्कि सडक निर्माण गर्ने कार्य समेत चौधरीले आफ्नो कार्यकालमा गरेका छन् ।
डुबानबाट बच्न पानीको निकाश
त्यसैगरी, उक्त वडामा वर्षातको समयमा हुने डुबानबाट बच्न पानीको निकाशका लागि काम भइरहेको छ । पानीको निकासका लागि वडा मार्फत पशुपती चोक देखि शुष्मा स्कुल सम्म पानीको निकाशका लागि ड्रेन निर्माण भएको छ भने पिपलगाछि देखि नहर सम्म ड्रेन निर्माणको काम धमाधम भइरहेको छ ।
त्यसैगरी, वडामा बग्ने ट्यांग्रा खोलामा वर्षेनी आउने बाढीले खोलाको तटबन्ध कटान गर्दै आएकोमा वडा कार्यालयको सक्रियतामा विभिन्न स्थानमा गरि करिव ७०० मिटर तटबन्ध निर्माण काम समेत सम्पन्न भएको छ ।
टोल–टोलमा टोल विकास भवन निर्माण
चौधरीको कार्यकालमा वडामा तीन वटा टोल विकास भवनको निर्माण सम्पन्न भएको छ । जसमा शहिद टोल विकास, निर्माण टोल विकास र सुविधानगर टोल विकाशका तीन वटा भवन निर्माण गरिएका हुन् ।
त्यसैगरी, वडामा रहेको इटहरीमा सबैभन्दा पहिले स्थापना भएको सरस्वती सतन मावीलाई व्यवस्थित बनाउन दुई वटा नयाँ भवन समेत निर्माण गरिएको छ भने पुरानो भवनको स्तरोन्नति गरिएको छ । जसमा नेपाली माध्ययमा पढाई भइरहेकोमा चौधरीको पहलमा अंग्रेजी माध्ययमबाट समेत पठनपाठन संचालन गर्ने तयारी रहेको छ ।
कक्षा १० सम्म मात्र संचालनमा रहेको इटहरीकै जेठो उक्त विद्यालयमा दश जोड दुई समेत संचालनमा आएका छन् । जसमा ‘प्लस–टु’ मा शिक्षा संकाय अन्तर्गत दुई ‘सेक्सन’ संचालनमा रहेका छन् ।
चौधरीको पहलमा उक्त विद्यालयमा ३५ लाखको लागतमा कवर्ड हल निर्माण गरिएको छ ।
रोहित चौधरी सफल अध्यक्ष भित्र पर्नुहुन्छ – हेमकर्ण पौडेल
कांग्रेस इटहरीका सभापति एवं गठबन्धनका तर्फबाट मेयरका उम्मेदवार हेमकर्ण पौडेलले इटहरी ८ का वडाध्यक्ष रोहित चौधरी सफल वडाध्यक्षभित्र पर्ने बताएका छन् ।
पौडेलले भने, ‘स्थानीय तहको नेतृत्व गर्ने कुरामा इटहरी ८ एकदमै सशक्त वडा छ । स्थानीय तहको नेतृत्व गर्ने कुरामा इटहरी वडा नम्बर ८ सफल छ । इटहरीमा भएका कांग्रेसबाट निर्वाचित १२ जना वडा सभापति मध्ये रोहित चौधरी सफल अध्यक्ष भित्र पर्नुहुन्छ ।’
Discussion about this post