इटहरी : इटहरी उपमहानगरपालिकामा गठबन्धनका उम्मेदवारलाई जनता समाजवादी पार्टी (जसपा) ले पनि सहयोग गर्ने जनाएको छ ।
नेपाली कांग्रेस, नेकपा एकीकृत समाजवादी र माओवादी केन्द्रसहितको गठबन्धनमा जसपाले सहयोग गर्ने भएको हो ।
इटहरीमा जसपाबाट मेयरमा डिल्लीप्रसाद सुब्बा र उपमेयरमा योसा गुरागाईँले उम्मेदवारी दिएका थिए ।
जसपाले दुवै जनाको उम्मेदवारी फिर्ता लिने निर्णय गरेको छ । जसपाले मेयर र उपमेयरमा दिएको उम्मेदवारी फिर्ता लिँदै गठबन्धनका उम्मेदवारलाई सघाउने र वडा तहमा भने मित्रवत् प्रतिस्पर्धा गर्ने निर्णय गरेको छ ।
इटहरीमा गठबन्धनबाट मेयरमा कांग्रेसका हेमकर्ण पौडेल र उपमेयरमा नेकपा एकीकृत समाजवादीका केशवकुमार विष्ट उम्मेदवार छन् ।
Discussion about this post