इटहरी : इटहरी उपमहानगरपालिकाको मेयरमा निर्वाचित भएका हेमकर्ण पौडेलले विपक्षी दलले उठाएका मुद्वामा पनि आफूले काम गर्ने बताएका छन् ।
संकल्प पत्रमार्फत इटहरीका जनताको आधारभूत आवश्यकता पूरा गर्न आफ्नो महत्वपूर्ण भूमिका रहने उनले बताए ।
संकल्प पत्रमा छुटेका आवश्यकीय कुराहरूलाई इमान्दारीपूर्वक काम गर्ने आफ्नो प्रतिबद्वता रहेको पौडेलले बताए ।
‘इटहरीका जनताको पहिलो दुःखबाट पार गर्न मेरो महत्वपूर्ण भूमिका हुनेछ,’ उनले टाकुरान्यूजसँगको कुराकानीका क्रममा भने, ‘प्रमुख कुरा घोषणापत्रमा भएका कुरा पूरा गर्न र मेरो मात्रै घोषणापत्र होइन, एमालेबाट उम्मेदवार रहनुभएका यामकुमार सुब्बाको घोषणापत्रमा उठाएका, इटहरीका आवश्यकता पूरा हुन्छ ।’
गठबन्धनको तर्फबाट मेयरमा विजयी भएका पौडेल नेपाली कांग्रेस इटहरी नगरसभापति समेत हुन् । उनले पाँच वर्षभित्र नयाँ ढंगले, जनताले चाहेको किसिमले विकास निर्माणका काम गर्ने प्रतिबद्वता व्यक्त व्यक्त गरे ।
एमालेले इटहरी विकासका निम्ति उठाएका घोषणापत्रमा भएका काम पनि आफ्नो प्राथमिकता पर्ने उनको भनाई छ ।
यसअघि मेयरमा विजयी भएमा आफूले बाढी नियन्त्रण, सार्वजनिक शौचालय तथा जनताका आधारभूत आवश्कयता पूरा गर्नका लागि आफूले काम गर्ने बताउँदै आएका पौडेलले निर्वाचनमा विजयी भएपश्चात ती मुद्वा प्राथमिकतामा परेको बताए ।
(भिडियो)
Discussion about this post