धरान : धरान उपमहानगरपालिकाको आयोजना, धरान खेलकुद विकास समितिको संयोजन तथा जिल्ला टेबुल टेनिस संघको प्राबिधिक सहयोगमा टेबुल टेनिस प्रतियोगिता सुरु भएको छ ।
आज मंगलबार धरान १३ स्थित अमर सेवा समाजको कबर्ड हलमा खेल सुरु भएको हो । १२ गतेसम्म सन्चालन हुने खेलको शुभारम्भ धरान उपमहानगरपालिकाका मेयर तिलक राईले गरेका थिए । ।
मेयर राईले टेबुल टेनिसका पूर्व राष्ट्रिय प्रशिक्षक एवं उक्त खेलका प्राबिधिक संयोजक बिनोद शाक्यलाई टेबुल टेनिस बल हस्तान्तरण गरेर खेल सुरु भएको थियो ।
कार्यक्रममा सम्बोधन गर्दै मेयर राईले स्व. लिला श्रेष्ठ सुब्बा पहिलो महिला उपसभामुखको स्मृति सम्झना समाजमा रहेकाले अग्रज खेलाडीहरुको सम्मानको निम्ति उक्त प्रतियोगिता आयोजना गरिएको बताए ।
उपमेयर मन्जु भण्डारी सुवेदीले पनि कोरोनाको कारण खेललाई प्राप्त बजेट छुट्टाउन नसकेपनि निरन्तरता दिन र खेलप्रेमीहरुलाई प्रोत्साहन गर्न आयोजना गरिएको बताइन् ।
उक्त खेलमा काठमाडौँ, बुटबल र विराटनगरका खेलाडीहरु सहभागिता रहने खेल संयोजक राजुमान श्रेष्ठले बताए ।
कार्यक्रममा नेपाली कांग्रेस क्षेत्र नं. १ का सभापति सुरेशमान श्रेष्ठ, नेकपा माओवादी धरान कमिटि अध्यक्ष चोत्लुङ लिम्बू, जनता समाजबादी पार्टीका धरान अध्यक्ष ताजुब लिम्बू, नेपाली कांग्रेस धरान नगर समितिका सचिव श्याम पोख्रेल, राष्ट्रिय टेबुल टेनिस संघका पूर्व केन्द्रीय अध्यक्ष एवं वरिष्ठ प्रशिक्षक धिरेन्द्र हमाल लगायतको उपस्तिथि रहेको थियो । 
Discussion about this post