इटहरी : इटहरी ९ स्थित विराटनगर लाइनमा शुक्रबार दिउँसो लागेको आगो नियन्त्रणमा आएको छ ।
करीब ४:३० बजेदेखि विराटनगर लाइनमा रहेको एक कवाडी पसलमा आगलागी भएको इलाका प्रहरी कार्यालय इटहरीका डीएसपी अर्जुन केसीले जानकारी दिए । उनका अनुसार करीब साढे तीन घण्टापछि आगो नियन्त्रणमा आएको छ ।
‘आगो पूर्ण रुपमा नियन्त्रणमा नआएको भएपनि अझै प्लाष्टिकहरु पल्टाएर निभाइरहेको अवस्था छ,’ केसीले टाकुरासँग भने, ‘लगभग धेरै आगो नियन्त्रणमा आएकाले अहिले केही भागमा मात्रै आगो नियन्त्रण आउँन बाँकी छ ।’
उनका अनुसार आगलागीले कुनै मानवीय क्षति भने हुन पाएन । आगलागी इटहरी उपमहानगरपालिका, दुहवी नगरपालिका, कानेपोखरी गाउँपालिका, सुन्दरहरैँचा नगरपालिका, धरान उपमहानगरपालिका तथा विराटनगर महानगरपालिकाको बारुणयन्त्र, नेपाल प्रहरी तथा स्थानीयबासीको सहयोगमा नियन्त्रणमा लिइएको केसीले बताए ।
उनका अनुसार आगालागी के कारणले भएको भन्ने विषयमा थप अनुसन्धान भइरहेको र क्षतिको विवरण आउँन बाँकी रहेको छ ।
Discussion about this post