आज एकैदिन ६,०८० जना निको भए, ४,४८७ जना संक्रमित थपिए

इटहरी : पछिल्लो २४ घण्टामा थप ४,४८७ जनामा कोरोना भाइरस संक्रमणको पुष्टि भएको छ भने ६,०८० जना निको भएका छन् ।

स्वास्थ्य तथा जनसंख्या मन्त्रालयका अनुसार सोही अवधिमा ११६ जनाको मृत्यु भएको छ ।

यससँगै देशभर कोरोना संक्रमितको कुल संख्या ५ लाख ५३ हजार ४२२ पुगेको छ भने निको हुनेको संख्या ४ लाख ३४ हजार ७५० पुगेको छ ।

यस्तै मृतकको कुल संख्या ७ हजार १६३ पुगेको छ । हाल देशभर सक्रिय संक्रमितको संख्या १ लाख १५ हजार ५०९ रहेको छ।